"Ұлттық ақпараттық технологиялар" акционерлiк қоғамын дамытудың 2005-2007 жылдарға арналған жоспарын бекiту туралы

Қазақстан Республикасы Үкіметінің 2005 жылғы 1 ақпандағы N 82 Қаулысы

 

      "Қазақстан Республикасының әлеуметтік-экономикалық дамуының орта мерзiмдi жоспарларын әзiрлеудiң ережесiн бекiту туралы" Қазақстан Республикасы Yкiметiнiң 2002 жылғы 14 маусымдағы N 647 қаулысына сәйкес Қазақстан Республикасының Yкiметi ҚАУЛЫ ЕТЕДI:

      1. Қоса берiлiп отырған "Ұлттық ақпараттық технологиялар" акционерлiк қоғамын дамытудың 2005-2007 жылдарға арналған жоспары бекiтiлсiн.

      2. Осы қаулы қол қойылған күнiнен бастап күшiне енедi.

      Қазақстан Республикасының
      Премьер-Министрi

Қазақстан Республикасы   
Үкiметінiң         
2005 жылғы 1 ақпандағы  
N 82 қаулысымен     
бекітілген        

 "Ұлттық ақпараттық технологиялар"
акционерлiк қоғамын дамытудың
2005-2007 жылдарға арналған
ЖОСПАРЫ

Астана қаласы, 2005 жыл

 1. БӨЛIМ. Ұлттық компанияның жай-күйі
және оның дамуының перспективалары туралы баяндама

 1.1. Кiрiспе

      "Ұлттық ақпараттық технологиялар" акционерлік қоғамы (бұдан әрi - Қоғам) жарғылық капиталында мемлекеттің 100% қатысу үлесiмен мемлекеттік ақпарат жүйелерін құру және олардың өзара iс-қимылын ұйымдастыру жөнiндегi уәкілетті ұйым ретінде "Қазақстан Республикасында бiрыңғай ақпараттық кеңiстікті дамыту және "Ұлттық ақпараттық технологиялар" акционерлiк қоғамын құру туралы" Қазақстан Республикасы Үкiметiнiң 2000 жылғы 4 сәуірдегі N 492 қаулысына сәйкес құрылды. "Мемлекеттік органдарды ақпараттандыру мәселелерi туралы" Қазақстан Республикасы Үкiметінің 2000 жылғы 5 қазандағы N 1501 қаулысымен оған "Банкаралық және қаржылық телекоммуникациялар орталығы" жабық акционерлiк қоғамының қосылуы жолымен Қоғам қайта құрылды. Қазақстан Республикасы Үкiметiнiң 2003 жылғы 22 шілдедегі N 724 қаулысымен Қоғам акцияларының мемлекеттiк пакеттерiн иелену және пайдалану құқығын Қазақстан Республикасының Ақпараттандыру және байланыс агенттігi жүзеге асырады.
      "Ақпараттандыру саласындағы Ұлттық оператор туралы" Қазақстан Республикасы Үкiметiнiң 2004 жылғы 16 қаңтардағы N 44 қаулысына сәйкес Қоғам ақпараттандыру саласындағы Ұлттық оператор болып айқындалды. Жарияланған жарғылық капиталы - 610 млн. теңге.
      "Акционерлiк қоғамдар туралы" Қазақстан Республикасы Заңының 90-бабының 1-тармағына сәйкес және Қазақстан Республикасы Ақпараттандыру және байланыс агенттігi (жалғыз акционер) Төрағасының 2004 жылғы 21 қыркүйектегі N 202-п бұйрығының негізiнде "Ұлттық ақпараттық технологиялар" жабық акционерлiк қоғамы "Ұлттық ақпараттық технологиялар" акционерлiк қоғамы болып қайта құрылды. 2004 жылғы 1 қазанда Астана қаласының әдiлет департаментi Қоғамды қайта тiркедi (тiркеу N 9223-1901-АО).
      Қоғам қызметiнiң негiзгi мәнi коммуникациялық орта мен мемлекеттiк ақпарат ресурстарының өзара iс-қимыл жүйесiн жасау, жалпы пайдаланудағы ақпарат базасын қалыптастыру, сондай-ақ халықаралық ақпарат жүйелерiмен ынтымақтастық болып табылады.
      Ұлттық оператор ретiнде Қоғамның ақпараттандыру саласындағы негізгі қызметi:
      мемлекеттiк ақпарат жүйелерінің өзара iс-қимылын, олардың әлемдiк ақпарат ресурстарына және ақпарат жүйелерiне интеграциялануын қамтамасыз ету;
      ведомствоаралық мемлекеттік ақпарат жүйелерiн сүйемелдеу мен пайдалануды жүзеге асыру;
      жеке және заңды тұлғалардың ақпараттық талабын қанағаттандыру мақсатында олардың жалпыға қолжетiмдi мемлекеттiк ақпарат ресурстарына қолжетімділігі үшін техникалық жағдайлар ұйымдастыруды қамтамасыз ету;
      мемлекеттiк ақпарат ресурстары мен ақпарат жүйелерiнің тiркелiмiн жүргізудi техникалық қамтамасыз ету болып табылады.
      Алға қойған мiндеттердi тиiмдi және сапалы орындау, Ұлттық оператордың функциялары мен өкiлеттіктерiн iске асыру мақсатында 2003 жылғы қазаннан бастап Қоғамның мынадай негiзгі бөлiмшелердi қамтитын құрылымы жұмыс iстейдi (1-сурет):
      1) орталық аппарат;
      2) өндiрiс департаменттерi;
      3) Алматы филиалы;
      4) өңiрлiк орталықтар.

      1-сурет. Қоғам басқармасының құрылымы 

      Ұлттық оператордың мiндеттерiн қамтамасыз ету үшін Қоғам құрамында мынадай өндiрiс бөлiмшелерi жұмыс iстейдi: Ақпарат жүйелерiн сервистік сүйемелдеу департаментi, Сервистік жүйелiк-техникалық қызмет көрсету департаментi, Жобаларды әзiрлеу және басқару департаментi, Ақпарат ресурстары мониторингi және әдiстемесi департаментi, Алматы филиалы және 15 өңiрлік орталықтар.
      Алматы филиалы және аймақтық орталықтар компьютерлiк, желілік және шеткерi жабдықтарға сервистік жүйелік-техникалық қызмет көрсету мен жөндеудi, республикалық салық комитеттерінің ақпарат жүйелерiн сүйемелдеу мен оларға әкiмшілік етудi жүзеге асырады, сондай-ақ телекоммуникациялық қызметтер көрсетедi.
      Орталық аппарат басқарудың әкiмшілiк тұтастық екенін бiлдiредi (2-сурет), ол Қоғамға жалпы басшылықты жүзеге асырады, даму стратегиясын, перспективалық және ағымдағы жоспарларын әзiрлейдi, мемлекеттік органдармен, мемлекеттiк емес құрылымдармен және халықаралық ұйымдармен өзара iс-қимыл кезiнде Қоғам мүддесiн бiлдiредi.

      2-сурет. Орталық аппараттың құрылымы 

      Орталық аппарат бөлiмшелерi Қазақстан Республикасының ұлттық ақпарат инфрақұрылымын қалыптастыру мен дамытудың Мемлекеттік бағдарламасын iске асыру шеңберiнде (бұдан әрi - Мемлекеттік бағдарлама) жасасқан шарттарды, мемлекеттiк органдардың ақпарат жүйелерiне техникалық қызмет көрсету мен сүйемелдеу жөнiндегi және телекоммуникациялық қызмет көрсетулер жөнiндегi шарттарды жалпы сүйемелдеуді жүзеге асырады.
      Орталық аппарат акционерлерге, Директорлар кеңесiне және басқа да бақылаушы органдарға қаржылық және өндiрiстiк есептіліктi табыс етудi қамтамасыз етедi.
      Қоғам қызметкерлерінің тiзiмдiк саны 2004 жылғы 1 қаңтарға 256 қызметкердi құрады.
      Жоспарланған жұмыс көлемiн орындау мақсатында қызметкерлердiң штат санын 2005 жылы - 381 бiрлiкке дейiн, 2006 жылы - 428 бiрлiкке дейiн, 2007 жылы - 447 бiрлiкке дейiн ұлғайту жоспарланып отыр.
      Компания алдына қойылған мiндеттердi орындауға бағытталған корпоративтiк басқару моделi пайдаланылып, оны басқарманың негiзгi төрт органы:
      жоғары органы - акционерлердiң жалпы жиналысы;
      басқару органы - директорлар кеңесi;
      алқалық атқарушы орган - басқарма;
      бақылаушы орган - аудит секторы жүзеге асырады.
      Қоғам қызметiне жалпы басшылықты Басқарма төрағасы (Президент) жүзеге асырады, ол басқарудың дара басшылық пен алқалық басқару қағидаттарын ұштастыра отырып, ақпараттандыруда мемлекеттік саясат жүргiзудi қамтамасыз етедi.

 2. Нарықты талдау (қызмет салалары)

      Мемлекеттiк органдарды ақпараттандыру шығыстарын талдау деректері бойынша Қазақстан Республикасының мемлекеттiк органдарын ақпараттандыру жөнiндегі iс-шараларға 2000-2002 жылдары республикалық бюджеттен 24,3 млрд. теңге жұмсалған, оның 88%-iн бюджеттiк бағдарламаның алты әкiмшісi игерген. 2003 жылы мемлекеттік органдарды ақпараттандыруға 8,2 млрд. теңге бөлiндi.
      Тұтастай алғанда мемлекеттік органдардың (жұмыс iстейтiн және жоспардағы) ақпарат жүйелерiн олардың нысанына қарай мынадай тәртiпте жіктеуге болады:
      1) жалпы мемлекеттiк жүйелер;
      2) мемлекеттiк деректер базасы;
      3) қаржылық жүйелер;
      4) экономиканың сала жүйелерi;
      5) әлеуметтiк саланың жүйелерi;
      6) құқық және құқық қорғау ақпараты жүйелерi;
      7) мемлекеттік органдардың әкімшілік-басшылық қызметiн қамтамасыз ету жүйелерi;
      8) қамтамасыз ету жүйелерi.
      Талдау көрсеткендей есептi кезең ішінде мемлекеттiк органдардың тұтастай қатары жергiлiктi мәселелердi әзiрлеуден бастап интеграцияланған бөліп таратылған көпдеңгейлi ақпарат жүйелерін жасауға көштi. әзiрлеу негiзiнен қазiргi заманғы ақпараттық технологиялар қолданыла отырып жүзеге асырылады.
      Деректер базасы қазiргі заманғы ДББЖ (Oracle, Informix, Microsoft, SOL Server, Lotus Notes) қолданыла отырып құрылады. Мұнымен қатар қолданыстағы жергіліктi міндеттер немесе ескi буындағы аспаптық құралдарда iске асырылған мiндеттер кешенi де қатар орын алып келедi.
      Неғұрлым іргелі қолданыстағы ақпарат жүйелерi салық және кеден комитеттерінің, қазынашылықтың зейнетақы төлеу жөнiндегi мемлекеттiк орталықтың ақпарат жүйелерi болып табылады. "Республикалық бюджеттi жоспарлау", "Мемлекеттік қызмет мамандарын басқару (КБАЖ)", "Мемлекеттік меншікті басқару", "Жеке куәлiк және төлқұжат беру жүйелерi" және басқа сияқты бiрқатар ақпарат жүйелерi жұмыс iстейдi. Ақпарат жүйелерінің тұтастай қатары, соның iшiнде Мемлекеттік бағдарлама шеңберiндегі жобалар, жер кадастры бойынша, Қазақстан Республикасы Ауыл шаруашылық министрлiгi, ААЖ "Сайлау" және басқа ақпарат жүйелерi әзiрлеу сатысында тұр.
      Бiрқатар мемлекеттiк органдарда ақпарат жүйелерін сүйемелдеудi ведомствоға қарасты: Қазақстан Республикасы Қаржы министрлiгiнің Қаржы жүйелерiн ақпараттандыру орталығы республикалық мемлекеттік кәсiпорны, Қазақстан Республикасы Ішкі істер министрлігінің Ақпараттық құқық орталығы республикалық мемлекеттiк кәсіпорны, Қазақстан Республикасы Жер ресурстары агенттігінің "Жер" ұлттық өндiрiс орталығы, Қазақстан Республикасы Еңбек және халықты әлеуметтiк қорғау министрлiгiнiң зейнетақы төлеу жөніндегi мемлекеттiк орталық республикалық мемлекеттiк қазынашылық кәсіпорны және Қазақстан Республикасы Ұлттық Банкiнiң Банкалық сервистік бюросы мекемелерi жүзеге асырады:
      Ведомствоға қарасты меншікті мекемесi жоқ мемлекеттiк органдардың ақпарат жүйелерiн сүйемелдеу жөнінде қызметтер көрсетудi қазiргi кезеңде коммерциялық, жекеше IT-компаниялары жүзеге асырады.
      2004 жылы ағымдағы бағдарламалар бойынша мемлекеттiк органдарды ақпараттандыруға барлығы 2,8 млрд. теңге көзделген, оның 10,9%-ын Қоғамның (мемлекеттiк органдардың ақпарат жүйелерiн сүйемелдеу мен сервистік жүйелік-техникалық қызмет көрсету жөнiндегi жұмыстарды) игеруі жоспарланған.
      Қоғам қазiргi кезеңде республика салық комитеттерiнің ақпарат жүйелерiне жүйелік-техникалық қызмет көрсету мен оны сүйемелдеу жөнiндегi жұмыстарды жүзеге асыруда.
      Мемлекеттiк бағдарлама шеңберiнде пайдалануға берiлген жобаларды басқару, сүйемелдеу және әкiмшiлiк ету, жобаларды iске асыруға тартылған жабдықтарға жүйелік-техникалық қызмет көрсету жөніндегi жұмыстар мен қызметтер көрсетуді орындау жоспарланған (2004 жылға арналған бағдарламаны қаржыландырудың шамамен 20%-ы).
      Қазақстан Республикасының ұлттық ақпараттық инфрақұрылымын қалыптастыру мен дамытудың мемлекеттік бағдарламасының iске асырылуына қарай Қоғамның негiзгі клиенттерi мемлекеттiк құрылымдар мен ведомстволар болады деп көзделiніп отыр. Бұдан әрi Қоғам жоспарланған мемлекеттік органдардың қорғалған бiрыңғай көлiктiк ортасы негiзiнде кешендiк ақпараттық қызметтер көрсетудiң неғұрлым толық спектрін ұсынуды жоспарлап отыр.
      2004 жылдың басындағы жай-күй бойынша қоғам 750-ден астам клиентке (жеке және заңды тұлғаларға) телекоммуникациялық қызметтер көрсетті.

 1.3. Қоғамның 2002-2004 жылдардағы өндiрiстік-қаржылық
қызметiн талдау

 1.3.1. 2002 жылдың қорытындысы

      2002 жыл ішінде Мемлекеттiк бағдарлама шеңберiнде есептерге сәйкес мемлекеттiк органдардың электрондық құжат айналымының бiрыңғай жүйесін жасау жөніндегі, мемлекеттiк органдардың ақпараттық инфрақұрылымын жасау жөнiндегі, мемлекеттiк органдардың ақпараттық-телекоммуникациялық ресурстары мониторингі жөнiндегi, электрондық коммерция жүйелерiн, аукциондар мен тендерлер жасау жөніндегі, мемлекеттік "Жеке тұлғалар" деректер базасын жасау жөніндегі жұмыстар орындалады.
      Қазақстан Республикасының Қаржы министрлiгi және Қазақстан Республикасының Кедендiк бақылау агенттiгiмен ұзақ мерзiмдi шарт шеңберiнде 2002 жыл ішінде Қоғам техникалық құралдарға сервистiк қызмет көрсету және республиканың салық комитеттерi мен кеден басқармаларының ақпарат жүйелерін сүйемелдеу жөнiнде жұмыстар мен қызмет көрсетулердi жүзеге асырды. Iс жүзiнде барлық облыстық салық комитеттерiнде 1000-нан астам мемлекеттiк қызметшіні "Компьютерлiк жабдықтар" мен "Кеңсенiң қосымша қағаздарымен жұмыс" курстары бойынша оқытып-Үйрету ұйымдастырылып, өткiзілдi.
      Қоғам 400-ден астам клиентке (заңды және жеке тұлғаларға) телекоммуникациялық қызметтер көрсеттi. Мұнымен қоса, телекоммуникациялық жабдықтардың табиғи әрi моральдық тозуына байланысты 2002 жыл iшiнде қызмет көрсетулерден негiзгi клиенттер бас тартып, 84 шарт бұзылды. Қазіргі уақытта Қоғам ұсынатын телекоммуникациялық қызмет көрсетулер спекторы Интернетпен және электрондық пошта қызметiмен ғана шектеліп отыр.
      Тұтастай алғанда 2002 жылғы қаржылық-шаруашылық қызметтің қорытындылары бойынша Қоғам алған жалпы кiрiс 558 млн. теңгені, оның ішінде негiзгі қызметтен алғаны - 449,6 млн. теңгені, негiзгi емес қызметтен алғаны 108,4 млн.теңгені (олардың ішінде негiзгi құралдар мен материалдық емес активтердi арзандатудан алғаны - 96,5 млн. теңгенi) құрады.
      2002 жыл ішінде 871,6 млн. теңге сомасына шығыстар жұмсалды, бұл ретте iске асырылған дайын өнiмнiң (тауардың, жұмыстың, қызмет көрсетулердiң) өзiндiк құны - 446,9 млн. теңгенi, кезең шығыстары - 132,6 млн. теңгенi, негiзгі емес қызмет шығыстары 292,1 млн. теңгенi құрады (олардың iшінде негiзгi құралдар мен материалдық емес активтердi шығарып тастау үшін провизия жасау шығыстары - 96,7 млн. теңгенi, негiзгi құралдар мен материалдық емес активтерді арзандату бойынша шығыстар 193,4 млн. теңгенi құрады).
      2002 жылғы өндірістік-қаржылық қызметтің қорытындысы бойынша Қоғам 313,6 млн. теңге сомасында шығынға түсті.
      Шығынға түсудiң негiзгi себебi көрсетілген телекоммуникациялық қызметтер көлемінің төмендеуi мен бюджеттік бағдарламаларда көзделген iс-шаралардың уақытында орындалмауы болып табылады.
      Телекоммуникациялық қызметтен түсетін кiрiстің төмендеуi арналардың өте төмен өткізгіштік қабілетi мен "Банкнет" телекоммуникациялық қызметтің қолданыстағы желiсiнiң қанағаттанғысыз сапасымен сабақтасып жатыр. Осы себептер бойынша 2001 жылы телекоммуникациялық қызмет көрсетулерге арналған 22 шарт бұзылды, 36 шарт тоқтатылып қойылды. 2002 жылы "Банкнет" желiсi қызмет көрсетулерiнен клиенттердiң бас тарту үрдiсi сақталып отыр.
      Бюджеттiк бағдарламалар бойынша ақшаның игерiлмеуінің негiзгi себептерi:
      шарттардың кешірек жоспарланған мерзiмдерге жасалуы. Мәселен, бес бюджеттiк бағдарлама бойынша шарттар 2002 жылғы сәуiрдiң соңында ғана жасалды;
      бюджеттiк бағдарламалар бойынша техникалық тапсырмалардың мүдделi министрліктермен және ведомстволармен келiсу ресiмдерiнің ұзақтығы болып табылады.
      2002 жылы бюджетке жалпы сомасы 71,2 млн. теңге нақты салықтар және басқа да төлемдер төлендi.

 1.3.2. 2003 жылдың қорытындысы

      2003 жылы өндірістік жұмыстар: Мемлекеттік бағдарламаның iс-шараларын орындау, мемлекеттiк органдарға жүйелiк-техникалық қызмет көрсету және телекоммуникациялық қызмет көрсетулер ұсыну сияқты үш негiзгi бағытта жүзеге асырылды.
      Мемлекеттiк бағдарлама шеңберiнде 6 ақпараттық жоба жөніндегі жұмыстар, оның ішінде:
      20 мемлекеттiк органдарда электрондық құжат айналымының бiрыңғай жүйесі (бұдан әрі - ЭҚА БЖ) бойынша 1-кезекті енгiзу және қондыру, ЭҚА БЖ-ның 2-ші кезектегі құру жөніндегі ғылыми-зерттеу жұмыстарын жүргізу;
      "Мемлекеттiк органдардың ақпараттық-телекоммуникациялық ресурстарының мемлекеттік тiркелiмi" ақпарат жүйелерiн сүйемелдеу және дамыту жөніндегі жұмыстар;
      ЭҚА БЖ және "Жеке тұлға" мемлекеттiк деректер қоры (бұдан әрi - МДҚ) жобаларын басқару;
      Дүниежүзілік сауда ұйымы (БСҰ) мен Қазақстан Республикасы Ақпараттандыру және байланыс агенттiгiнiң веб-сайтын әзiрлеу Қазақстан Республикасы Үкiметінің веб-сайтын сүйемелдеу және дамыту;
      Мемлекеттік бағдарлама шеңберiнде пайдаланатын техникалық құралдарға қызмет көрсету орындалды.
      2003 жылы мемлекеттік органдардың қарауға ұсынылған ақпараттық жобалары мен техникалық ерекшелiктерiне сараптама жүргiзiлдi.
      2003 жылы Қоғам Қазақстан Республикасы Қаржы министрлiгінiң Салық комитетiне қызмет көрсету және оны сүйемелдеу компьютерлік, желілік және перифериялық жабдықтау жөніндегі ұзақ мерзiмдi шарттың мiндеттемелерi бойынша жұмыстар орындауды жалғастырды.
      Жыл ішінде Қоғам сонымен қатар 500-ден астам клиентке телекоммуникациялық (Интернет, электрондық пошта, Блумберг) қызмет көрсетулер ұсынды.
      Есептi жылдың 4-ншi тоқсаны бойынша, Қоғамның қаржылық жағдайын жақсарту мақсатында (2003 жылдың 9 айдағы қорытындысы бойынша 111 млн. теңге сомасында шығынға батты) өндірістік емес шығыстарды қысқарту, сондай-ақ шығындарды жұмсауға қатаң бақылау орнату есебiнен шығыстарды оңтайландыру бөлiгiнде iс-шаралар жүргізiлдi.
      Нәтижесiнде қаржылық-шаруашылық қызметтiң 2003 жылғы 4-ші тоқсанының қорытындысы бойынша Қоғам 15,4 млн. теңге сомасында таза табыс алды.
      Тұтастай алғанда 2003 жылы 443,7 млн. теңге сомасында табыс тапты, оның ішінде негiзгi қызметтің табысы - 432 млн. теңгенi, негiзгi емес қызметтікі 11,7 млн. теңгені құрады.
      2003 жылы Қоғам 539,3 млн. теңге сомасында шығыстар жүргiзді. Шығыстар құрылымы былайша қалыптасты:
      сатылған дайын өнiмнің (тауардың, жұмыстың қызмет көрсетулердiң) өзiндiк құны - 405,5 млн. теңге;
      кезең шығыстары - 128,8 млн. теңге;
      негiзгi емес қызмет шығыстары - 5,1 млн. теңге.
      Тұтастай алғанда 2003 жылдың қорытындысы бойынша Қоғам 95,6 млн. теңге мөлшерiнде залалға түстi.
      Залалға түсудiң негiзгi себептерi:
      1) телекоммуникациялық қызметтің өз жеке телекоммуникациялық желiлерiн құруға немесе олардың басқа провайдерлерге (Қазақстан Республикасы Ұлттық Банкi, Қазақстан Республикасы Зейнетақы төлеу жөніндегi мемлекеттік орталық, Қазақстан Республикасы Статистика агенттігі) көшуiне байланысты клиенттердiң бұлардан жаппай кетуінен телекоммуникациялық қызмет көрсетулерден түсетін кiрiстің 3 есе төмендеуі;
      2) Қазақстан Республикасы Қаржы министрлігі Салық комитетімен жасасқан шарт бойынша соманың 2003 жылға 24,2 млн. теңгеге қысқартылуы;
      3) Мемлекеттiк бағдарлама шеңберiнде Қазақстан Республикасы Ақпараттандыру және байланыс агенттiгiмен жасасқан шарттар бойынша кейбiр iс-шаралардың орындалу мерзiмін 15.03.04 жылға дейін көшiру болып табылады.
      2003 жыл iшiнде бюджетке жалпы сомасы 92,6 млн. теңге салықтар мен басқа да төлемдер төлендi.
      Қоғамның шығынды қызметіне байланысты 2003 жылғы қорытындылар бойынша 6,6 млн. теңге көлемiнде жоспарланған акциялардың мемлекеттік пакетіне дивидендтер аудару мен төлеу жүзеге асырылған жоқ.

 1.3.3. 2004 жылғы күтiлетін нәтижелер

      2004 жылы мынадай негiзгi iс-шаралар жүргiзу жоспарланып отыр:
      Мемлекеттік бағдарлама шеңберiнде жұмыстар атқару, оның ішінде: "Атаулы тiркелiм" ақпарат жүйесін жасауға техникалық тапсырма әзiрлеу, мемлекеттік органдарда электрондық құжаттар айналымы бiрыңғай жүйесiне әкiмшiлiк ету, ақпарат ресурстары жүйесi мониторингін сүйемелдеу мен дамыту, Қазақстан Республикасы Үкіметінің веб-порталын сүйемелдеу мен дамыту, Мемлекеттік ЭҚА БЖ мен деректер базасы жобаларын басқару;
      ақпараттандыру саласында нормативтік-әдiстемелiк құжаттар жобаларын әзiрлеуге қатысу;
      мемлекеттiк органдардың ақпарат жүйелерiн сервистік сүйемелдеу мен жабдықтарына сервистiк жүйелік-техникалық қызметтер көрсету;
      мемлекеттік органдар үшін бiрыңғай коммуникативтік орта құру мен оны техникалық қолдау;
      телекоммуникациялық қызметтер көрсету.
      2004 жылы Қоғам жалпы сомасы 560,8 млн. теңге кiрiс алуды жоспарлап отыр. Қоғамның негiзгi қызметінен 556,3 млн. теңге сомасында кіріс алу жоспарланған, оның ішінде Мемлекеттік бағдарлама бойынша iс-шараларды іске асырудан түсетін кіріс - 265,3 млн. теңгенi, Қазақстан Республикасы Қаржы министрлiгi Салық комитеттерi мен мемлекеттiк органдар жүйелік-техникалық қызмет көрсету және сүйемелдеу бойынша кіріс - 246 млн. теңгені, телекоммуникациялық қызмет көрсетулер үшiн кiрiс - 45 млн. теңгені құрайды.
      Негізгі емес қызметтерден 4,5 млн. теңге сомасында кiрiс алу жоспарланған.
      2004 жылы Қоғамның шығысы 555,6 млн. теңгенi құрайды. Шығыстар құрылымы былайша қалыптасады:
      жұмыстар мен қызмет көрсетулердiң өзiндiк құны - 463,7 млн. теңге;
      кезең шығыстары - 87,7 млн. теңге, оның ішінде жалпы және әкiмшілiк шығыстар 70,6 млн. теңгені құрайды;
      негiзгi емес қызметтерге байланысты шығыстар - 4,2 млн. теңге.
      2004 жылдың қорытындысы бойынша 5,2 млн. теңге сомасында таза кірiс алынады деп күтілуде.
      Қоғам 2004 жылдың қорытындылары бойынша акциялардың мемлекеттiк пакетiне дивидендтер аударуды жоспарлап отырған жоқ, өйткенi Қоғам жарғысына сәйкес қызметті жүзеге асыруға байланысты залалдарды жабу үшін жарияланған жарғылық капиталдың кемiнде 15 пайызы мөлшерiнде (кемiнде 91,5 млн. теңге) резервтiк капитал жасау қажет. Қазiргі уақытта Қоғамның қалыптасқан капиталы iс жүзінде 45,3 млн. теңгенi құрайды және жыл қорытындысы бойынша алынған 5,2 млн. теңге сомасындағы таза кiрiсті толық көлемiнде Қоғамның резервтiк капиталын толықтыруға жiберу жоспарланып отыр.
      Қоғамның орта тізiмдiк саны 2005 жылғы бiрiншi қаңтардың жай-күйi бойынша 274 адамды құрады.
      2004 жыл ішінде Қоғам ақпараттандыру саласында Ұлттық оператор мәртебесiн алып, ақпарат нарығында өз позициясын толық айқындап алды, бұл Қоғамның мықты жағы болып табылады.
      Қоғамның негiзгi міндеттерін орындау мақсатында 2004 жылы мемлекеттiк органдарды жүйелік-техникалық қызмет көрсетумен қамтамасыз ету және олардың ақпараттық жүйелерiн сүйемелдеу үшiн негізгі және аймақтық сервис-орталықтардың техникалық базасын одан әрi қалыптастыру мен дамыту жалғастырылды, сондай-ақ компания мамандарының қызметiн негiзгi бағыттары бойынша ұдайы біліктілік деңгейін көтерiп отыру талап етіледі.

 1.4. Қоғам өткiзетiн iс-шаралар

      Қазақстан Республикасының 2003-2015 жылдарға арналған индустриалдық-инновациялық даму стратегиясын (бұдан әрi - Стратегия) iске асыру шеңберiнде Қоғамның Қазақстандағы ақпараттық технологиялар паркін дамыту жөніндегі iс-шараларға қатысуы жоспарлануда. Ақпараттық технологиялар саласында Қазақстан қызметін ұсыну үшін Ганновер жәрмеңкесiне (2004 жылғы сәуiр) қатысты.
      Индустриалдық-инновациялық саясаттың бiрiншi кезектегi мiндеттерiн iске асыру жөніндегі iс-қимыл жоспарының шараларына сәйкес, Республикалық бюджет комиссиясы отырысының 2003 жылғы 18 тамыздағы N 19 хаттамалық шешімін орындау үшін Қоғам 2000-2002 жылдары мемлекеттiк органдарды ақпараттандыруға республикалық бюджеттен бөлiнген шығындарға және ақпарат жүйесiнің тиiмдiлігіне талдау жүргiзілдi.
      Жүргiзiлген талдау нәтижесiнде ақпараттандыру саласындағы мемлекеттiк органдарды жоспарлау мен нормативтеу бойынша ұсыныстар жасалды. Қоғамның қатысуымен мемлекеттік органдар үшін әзiрленген құжаттама (техникалық құралдармен қамтамасыз етушілік нормативтерi және Ақпараттандыру саласындағы бюджеттік бағдарламаларды iске асыру жөніндегі iс-шараларды жоспарлау жөнiндегi нұсқаулық) 2005 жылға арналған республикалық бюджетті қалыптастыру кезiнде iс жүзiнде қолданылды.
      Мемлекеттік бағдарламаны iске асыру кезiнде Қоғам бiрқатар iс-шараларды жүзеге асырады, жұмыстар атқару мен жобаларды басқару мониторингін жүргiзедi. Мемлекеттік бағдарлама жеті кіші бағдарламаны (ақпарат ресурстары жай-күйінің мониторингі, деректердi электрондық алмасу стандарттарын құру, электрондық коммерциялар, аукциондар мен тендерлер енгiзу, мемлекеттiк органдардың ақпарат инфрақұрылымын құру, мемлекеттік ақпарат жүйелерін интеграциялық, мемлекеттiк деректер базасын жасау, әлеуметтiк-экономикалық даму мониторингі) iске асыруды көздейдi. 2003 жылғы 1 қарашадағы жағдай бойынша Қоғам Мемлекеттік бағдарламаны iске асыру барысы туралы есеп дайындап, ол Ұлттық ақпарат инфрақұрылымын қалыптастыру мен дамыту жөніндегi жұмыстар мен Қазақстан Республикасының ақпараттық қауiпсiздiгiн қамтамасыз етудiң негiзгі бағыттары жөнiндегi қызметті үйлестіру жөнiндегi комиссияның 2003 жылғы 4 желтоқсандағы отырысында (N17-52/И-693 хаттама) қаралып, назарға алынды.
      Қазақстан Республикасы Президентiнiң 2001 жылғы 16 наурыздағы N 573 Жарлығымен бекiтiлген Қазақстан Республикасының ұлттық инфрақұрылымын қалыптастыру мен дамытудың мемлекеттiк бағдарламасын iске асыру шеңберiнде Қоғам 2001 жылдан бастап Мемлекеттiк органдардың ақпараттық-телекоммуникациялық мемлекеттік тiркелiмiн дамыту мен сүйемелдеу, Қазақстан Республикасы Үкiметiнiң Beб-сайты жөніндегi Мемлекеттiк органдардың электрондық құжат айналымының бiрыңғай жүйесi мен Мемлекеттiк деректер базасы ("Жеке тұлғалар", "Заңды тұлғалар" және "Қазақстан ресурстары") жобаларын басқаруға қатысу жөнiндегi iс-шараларды жүзеге асырып отыр.
      Қоғам Қазақстан Республикасының "электрондық үкімет" (бұдан әрi - е-Үкімет) инфрақұрылымын қалыптастыру бағдарламасын әзiрлеу жөнiнде жұмыстар жүргізді. Қазақстан Республикасында "электронды үкiмет" қалыптастырудың 2005-2007 жылдарға арналған мемлекеттік бағдарламасы Қазақстан Республикасы Президентінің 2004 жылғы 10 қарашадағы N 1471 Жарлығымен бекiтілдi.
      Қоғам дамуының перспективалық бағыттарының бiрi ақпараттық технологиялар саласында жетекші халықаралық IT-компанияларымен әріптестік қарым-қатынасты жолға қою болып табылады. Мәселен, Siemens AG компаниясымен, D21 (Германия) Қоғамымен, Crimson Logic-пен, Молдова Республикасы Ақпараттандыру департаментiмен өзара қарым-қатынасты жолға қойып Samsung компаниясымен меморандумға қол қою жоспарлануда.

 1.5. 2005-2007 жылдарға арналған даму жоспары

 1.5.1. Мақсаттары мен мiндеттерi

      Қазiргi таңда ведомствоаралық ақпарат жүйелерiнде түрлi қатынас орын алып отыр, бiрқатар мемлекеттік органдарда ақпараттандыру жөніндегі жұмыстарды бөлiмшелер бойынша бөлек жоспарлау орын алып, нәтижесiнде жекелеген өзара байланыссыз бағдарламалық өнiмдер пайда болуда. Мемлекеттiк органдарда деректер берудiң бiрыңғай желісінің жоқтығы, ведомствоаралық деректер базасын интеграциялаудың аяқталмауы, нормативтiк базаның дайын болмауы, қажеттi жіктеуiштердiң жоқтығы т.б. аяқтан шалып отыр.
      Қоғамның жоспарланған мерзiмдегі негiзгi мақсаты электрондық үкiмет құру үшін базалық инфрақұрылым қалыптастыру болып табылады.
      Осыған байланысты алда тұрған кезеңнiң негізгі мiндеттерi:
      қазiргi заманғы технологияларды қолдана отырып Қазақстан Республикасының Ұлттық ақпараттық инфрақұрылымын қалыптастыру, оның ішінде е-Үкіметтің инфрақұрылымын құру, iске асыру және қызмет көрсету, мемлекеттік органдардың ақпараттық ресурстарын интеграциялау;
      мемлекеттiк органдардың ақпарат жүйелерiне жүйелiк-техникалық қызметтер көрсету мен сүйемелдеудi қамтамасыз ету, телекоммуникациялық қызметтер көрсету үшін қоғамның cepвис орталықтарын қалыптастыру болып табылады.

 1.5.2. Алға қойылған міндеттерге қол жеткiзудiң
жолдарын таңдау

      Ақпараттандыру саласында Мемлекеттік ақпарат жүйелерінің өзара iс-қимылын қамтамасыз ету жөніндегі ұлттық оператордың қызметiне сәйкес олардың әлемдiк ақпарат ресурстары мен ақпарат жүйелеріне интеграциялануы, ведомствоаралық ақпарат жүйелерiн пайдалану мен сүйемелдеудi қамтамасыз ету және тиiстi өкілеттiктердi iске асыру үшін қоғам алға қойылған міндеттерге мынадай негiзгi бағыттарды дамыту жолымен қол жеткiзудi жоспарлап отыр:
      ақпараттық технология саласында алдыңғы қатарлы халықаралық компаниялардың тәжiрибесін зерделеу және олармен ынтымақтасу;
      оқытып-үйрету және жоғары бiлiктi ұжым қалыптастыру;
      Қазақстан Республикасы ұлттық ақпарат инфрақұрылымының нормативтiк құқықтық базасын қалыптастыру мен жетілдiруге қатысу;
      мемлекеттік органдардың қолданыстағы және құрылып жатқан ақпарат жүйелерінің интеграциясы.

Ақпараттандыру саласындағы алдыңғы қатарлы халықаралық компаниялардың тәжiрибесiн зерделеу мен ынтымақтасу

      Қоғам дамуының перспективалық бағыттарының бiрi ақпараттандыру саласындағы жетекшi халықаралық IT-компаниялармен серiктестiк қатынастарды жолға қою болып табылады.
      Халықаралық байланыстарды кеңейту, семинарларға, симпозиумдарға, көрмелерге, бiрлескен жобаларға қатысу және т.б. арқылы ақпараттық технологиялар саласындағы алдыңғы қатарлы халықаралық компаниялардың тәжiрибесiн зерделеу қоғамға неғұрлым қолайлы кешендiк шешімдердi iске асыру үшін ұсыныс жасауға, Қоғам мамандары мен ақпарат жүйелерін пайдаланушылардың деңгейiн көтеруге мүмкiндiк бередi.

Оқытып-үйрету және жоғары бiлiктi ұжым қалыптастыру

      Қоғам қызметкерлерiн оқытып-үйрету, қайта даярлау, біліктілік деңгейiн әрдайым көтеріп отыру алға қойылған мiндеттердi iске асыру үшін қажеттi шарттар болып табылады.
      Осы мақсатта елдiң, алыс және жақын шетелдердiң қызметтің негiзгi бағыттарына: жобаларды басқаруға ақпарат ресурстарының ақпараттық қауіпсiздiгiн қамтамасыз етуге, операциялық жүйелердi, білiмдi басқару (Documentum Verity және т.б.) жүйелерін және деректер базасын (DB2, Оrасle, SYBASE және т.б.) басқару жүйелерiн сүйемелдеуге, әртүрлі өндiрушілердiң серверлеріне жүйелік-техникалық қызметтер көрсетуге және т.б. байланысты жетекшi оқыту орталықтарында Қоғам мамандарын даярлау жалғасатын болады.

 Қазақстан Республикасының ұлттық ақпарат инфрақұрылымының нормативтік құқықтық базасын қалыптастыру мен
жетілдiруге қатысу

      Қазақстан Республикасының ұлттық ақпарат инфрақұрылымын дамыту нормативтік құқықтық базаны жетiлдiрудi талап етедi. Осы мақсатта 2005 жылы ақпараттандыру саласындағы:
      растау орталығының қызметiн;
      электрондық коммерция саласындағы құқықтық қатынастарды;
      ЭҚА БЖ қызметiнiң регламентiн;
      ақпараттандыру саласындағы қазақстандық заңнамаларды кезең-кезеңімен халықаралық стандартқа келтiрудi реттейтiн бiрқатар нормативтік құқықтық актiлер жобаларын әзiрлеуге қатысу жоспарлануда:
      22 ұйымды (оның ішінде 4 мемлекеттік органды: әР Ақпараттандыру және байланыс агенттігін, әР Ұлттық банкiн және басқаларды) қамтитын Қоғам жанында қызмет ететiн ақпараттандыру жөніндегі ТК-34 техникалық комитет (ҚР Мемстандарттың 2001 жылғы 27 маусымдағы N 274 бұйрығы) ақпараттық технологиялар және ақпараттық қауiпсiздiкті қамтамасыз ету саласында стандарттар әзiрлеу жөнiндегi жұмыстарды жалғастыруды жоспарлап отыр.
      Жобаларды басқару жөнiндегi жұмыстарды сапалы орындау үшiн 2005 жылы басқарушылық шешімдердi құжаттау мен оларды бақылау ресiмдерiне жоғары талаптарды көздейтiн ISО-9001 сапалы сертификат алу жөнінде iс-шаралар өткiзу жоспарлануда.

 1.5.3. Қоғам 2005-2007 жылдарға жоспарлаған iс-шаралар

      Стратегияға сәйкес негiзгi мiндеттердiң бiрi ұлттық ақпарат инфрақұрылымын (ҰАИ) ашық жүйелер тұжырымдамасы негiзiнде әлемдiк қоғамдастық iске асыратын ғаламдық ақпарат инфрақұрылымның (Global Information Infrastructure - GII) бөлiгi ретінде бiрте-бiрте дамыту, сондай-ақ бағдарламалық өнiмдер мен софт-технологияларды дамытуды ынталандыру болып табылады.
      Қоғам қызметi Стратегияның ақпараттық технологиялар саласындағы мынадай негізгi бағыттарын дамытуға жәрдемдесетiн болады:
      ҰАИ дамуына жәрдемдесетін ашық және тұрақты нормативтiк құқықтық база мен стандарттар құру;
      халықтың, шаруашылық субъектілерінің, қоғамдық ұйымдардың және Қазақстан Республикасы мемлекеттiк органдарының ҰАИ-ға әмбебап қолжетiмдiлігін қамтамасыз ету;
      мемлекеттiк органдар порталдары мекемесiн, мемлекеттік деректер базасын және құжат айналымының рәсiмдерiн қоса алғанда, "электрондық үкіметті әзiрлеу және енгізу;
      мемлекеттiк құралдар мен ақпараттандыру жүйелерін стандарттау, сәйкестендiру және сертификаттау;
      әлемдiк және ішкі рыноктардың жаңа мүмкіндіктерін барынша пайдалануға мүмкiндiк беретін электрондық коммерцияның кең ауқымын енгiзуге жәрдемдесу;
      мемлекеттік сатып алу саласында электрондық аукциондар мен тендерлер тетiгiн енгiзу;
      электрондық оқу мекемелерi мен кiтапханаларын құруды қолдау есебiнен халықтың бiлiм деңгейін көтеру;
      бағдарламалық құралдар мен софт-технологиялардың ұлттық индустриясын дамытуды жан-жақты қолдау.
      Бұдан басқа, бiрлескен инвестициялық жобаларды iске асыру мен ақпараттандыру саласында тәжiрибе алмасуға байланысты трансұлттық және iргелi шетелдiк компаниялармен қатынастарды кеңейту мен дамыту жоспарлануда.
      E-Үкiмет инфрақұрылымын қалыптастырудың әрбiр кезеңінде дұрыс стратегия мен тактиканы жүзеге асыру, атқарушы, заң шығарушы билiктердiң және сот билiгінің барлық деңгейлерін, бизнесті, университеттердi, қоғамдық ұйымдар мен азаматтарды - барлық процеске қатысушыларды тиімдi ұйымдастыру, үйлестiру және өзара iс-қимыл жасату үшін қоғам Қазақстан Республикасының "электрондық үкiмет" инфрақұрылымын қалыптастыру бағдарламасын пысықтау жөніндегi жұмыстарды жалғастыруды жоспарлап отыр.
      Ел ауқымында Интернет-технологияларға көшу үкіметтік мекемелер қызметінің барлық негiзгi нысандарының трансформациясын бiлдiредi және елеулi қаржылық шығындар мен өзара байланысты саяси, құқықтық әкiмшiлiк пен технологиялық мәселелердiң тұтастай кешенiн шешудi талап ететiн күрделi процесс болып табылады.
      Е-Үкiметтiң тұжырымдамасы мемлекеттік органдар қызметінде ақпараттық технологияларды пайдаланудың ұйымдастырушылық, әдiстемелiк және технологиялық қағидаттарын айқындайды және әкiмшiлiк реформа мен мемлекеттік басқару жүйесiн жаңғыртуды қамтамасыз ету құралы болып табылады.
      Қоғамның қатысуымен е-Үкіметке көшудiң стратегиялық мақсаттарына қол жеткiзу үшін мынадай міндеттердi шешу белгiленедi:
      мемлекетке, азаматтар мен ұйымдарға ақпараттық қоғам жағдайында жұмыс iстеуге мүмкiндiк беретін нормативтiк-құқықтық және әдiстемелiк база жасау;
      ақпарат ресурстары мен мемлекеттік билiк органдары жүйелерiн интеграциялау;
      мемлекеттік ақпарат ресурстары мен қызмет көрсетулерге (қаражатының болуы, даярлығы мен бiлiм деңгей, жас шамасы мен әлеуметтік жағдайы ескерiле отырып) қолжетiмдi әмбебап қоғамдық орталықтар құру;
      ақпараттық-коммуникациялық технологиялар саласында кәсiби бiлiм мен қайта даярлау жүйесiн өрiстету.
      Е-Үкiмет инфрақұрылымын құрудың әлемдiк тәжiрибесiн назарға ала отырып, мемлекеттік органдардың ақпарат жүйесi мен басталған жұмыстардың жай-күйiн ескере отырып, е-Үкімет тұжырымдамасын iске асыруды кезең-кезеңмен жүзеге асыру жоспарлануда (1-кесте). E-Үкiметтiң 1-шi кезеңiн iске асыру жөніндегі дайындық жұмыстары 2004 жылдан-ақ басталады.

                   Е-Үкіметті іске асырудың кезеңдерi

                                                    1-кесте

І) Заңнамалық және нормативтiк-құқықтық қамтамасыз ету
жыл- дар	2005	2006	2007
	1) Ақпараттық- коммуникациялық технологиялар (АКТ) саласында стандарттар мен жiктеуiштер әзiрлеу және енгiзу; 2) "Ақпарат және ақпаратты қорғау туралы" Қазақстан Республикасы Заң жобасын дайындауға қатысу.	1) ақпараттан- дыру саласын- дағы түрлi аспектiлердi реттейтін нормативтiк құқықтық актілерге, стандарттарға талдау жүргізу; 2) Ақпараттық pecуpcтap мен ақпараттық жүйелер тірке- лiмінің жұмыс iстеу ереже- сіне өзгерiс- тер мен то- лықтырулар әзірлеуге қатысу; 3) мемлекеттік органдардың бiрыңғай көлiктiк орта- сын құру және оның жұмыс iстеуін рет- тейтін норма- тивтік құқықтық актілер әзір- леуге қатысу; 4) Интернет желісіндегі қазақстандық сегменттің домендік кеңістігін бөлу тәртібіне толықтырулар енгізу.	1) "Ақпараттан- дыру туралы" Қазақстан Респуб- ликасының Заңына өзгерiстер мен толықтырулар әзiрлеуге қатысу; 2) Мемлекеттік органдардың электрондық қызмет көрсету- лерін әзірлеу, қабылдап алу, сүйемелдеу және дамыту ережесін әзірлеуге қатысу; 3) деректерді интеграциялануын, ақпараттық ресурстар мен жүйелердің қор- ғалуын қамтамасыз ететін ұлттық технологиялық стандарттар әзiр- лeугe және/немесе халықаралық технологиялық стандарттарды қабылдауға қатысу.
ІІ) Е-Үкімет инфрақұрылымының базалық құрамдас бөлігін қалыптастыру
Қазақстан Республи- касы е-Үкіметі- нің порталы	1) мемлекеттік органдарда қолданылатын Интернет шешім- дердi (сайттарды, порталдарды) талдау; 2) электрондық Үкiметтің Bеб-портал тұжы- рымдамасын әзiр- леу; 3) электрондық Үкiметтiң Beб- порталын құруға техникалық тап- сырма әзiрлеу.	1) е-Үкiмет порталын пи- лоттық аймақта тәжiрибе тү- рiнде пайдала- нуды енгізу; 2) е-Үкiмет порталында пайдаланушы- лардың дербес- тендiру мен сәйкестендiру құралдарын енгізу; 3) e-Үкiмет порталының Веб-интерфейсiн әзiрлеу.	1) е-Үкiмет порталының Bеб- интерфейсiн дамыту; 2) е-Үкiмет қызмет көрсету- лерiн бiртіндеп iске қосу; 3) мемлекеттiк органдардың электрондық қызмет көрсетуле- рiн интеграция- лауды және оларға қол жет- кізуді қамтамасыз ететiн бiр тере- зелi Шлюздi iске асыру.
Растау орталығы (РУ)	ҚР МО ЭҚА БЖ үшін АҚ жұмыс iстеуi үшін бағдарламалық және техникалық құралдар сатып алу және енгiзу	1) e-Үкiметтiң порталына қызмет көрсету үшін КО тұжы- рымдамасын, техникалық тапсырмасын және техно- жұмыстық жобасын әзiрлеу; 2) е-Үкімет порталына қызмет көрсету үшін КО бағдар- ламалық- техникалық құралдарын сатып алу және пилоттық аймақта енгiзу.	Көбейтіп басу үшін техникалық құралдар мен лицензияланған базалық бағдар- ламалық қамтама- сыз етудi сатып алу.
Мемлекеттік жүйе құрушы деректер базасы	1) "Жеке тұлға- лар" МДБ АЖ пилоттық аймақта енгiзу; 2) "Заңды тұлға- лар" МДБ әзiрлеу және оны АЖ пилоттық аймақта енгiзу; 3) ТТ жобалау, "Атаулы тiркелiм" МДБ әзiрлеу және оны АЖ пилоттық аймақта енгiзу; 4) ТТ әзiрлеу және "Жылжымайтын мүлiк тіркелiмі" МДБ АЖ жобалау.	1) "Жеке тұлғалар" АЖ МДБ енгізу; 2) "Заңды тұлғалар" АЖ МДБ тәжірибе түрiнде пайдалану; 3) "Атаулы тiркелiм" МДБ және "Жылжы- майтын мүлiк тіркелiмі" АЖ МДБ пилоттық аймақта енгiзу және одан әрi дамыту.	1) "Заңды тұлға- лар" АЖ МДБ, "Атаулы тiркелiм" МДБ және "Жылжы- майтын мүлiк тiркелiмі" МДБ енгізу; 2) мемлекеттік жүйелер құрушы деректер базасы жобаларын дамыту және оларды ведомствоаралық ақпарат жүйелерiмен интеграциялау.
Мемлекеттік органдардың бірыңғай көліктік ортасы	1) мемлекеттiк органдардың бірыңғай мульти- сервистік көліктік ортасына арналған техни- калық-экономикалық негiздемелер (ТЭО) және ТТ әзiрлеу; 2) Астана қала- сында пилоттық аймaқ құру үшін техникалық құрал- дар сатып алу	1) техникалық тапсырма мен техно-жұмыстық жоба әзiрлеу, техникалық құралдарды құрастыру және жолға қою, Астана қ. пилоттық ай- мағында база- лық бағдарла- малық қамтама- сыз етудi сатып алу және қондыру; 2) әкiмшілік ету, техника- лық қызметтер көрсету, теле- коммуникация- лық қызмет көрсетулер ұсыну.	1) магистралдар, облыстық орта- лықтар мен спутниктік сег- мент құру үшiн техникалық тап- сырма мен техно- жұмыстық жоба әзiрлеу, техни- калық құралдарды құрастыру және жолға қою, база- лық бағдарламалық қамтамасыз етудi сатып алу және қондыру; 2) әкiмшілік ету, техникалық қыз- меттер көрсету, телекоммуникация- лық қызмет көрсетулер ұсыну.
ІІІ) Қолжетімділікті ұйымдастыру және ақпараттық теңсіздікті жоюға қатысу
	1) Қазақстан Республикасында ақпараттық қоғам қалыптастыру мен оны дамытудың тұжырымдамасын әзiрлеуге қатысу	1) қолжетімді- ліктің қоғам- дық пункттерiн ұйымдастыру жөнiнде жоба дайындау; 2)"ақпараттық теңсiздікті" жою жөнiндегі орындалатын іс-шаралар мониторингін жүзеге асыру.	1) Қаз Пошта" АҚ базасына, көпшілік кiтапханаларға қолжетiмділіктің қоғамдық пункт- терiн өрістету; 2) "ақпараттық теңсiздiкті" жою жөніндегі орын- далатын iс-шара- лар мониторингін жүзеге асыру.

 1.5.4. Өнiм өндiрудiң даму серпіні

      Қоғамның жоспарлы кезеңге өндiрiстік қызметi үш негiзгi бағыт: Мемлекеттiк бағдарлама шеңберiндегі iс-шараларды орындау, мемлекеттiк органдардың ақпарат жүйелеріне жүйелік-техникалық қызмет көрсету мен сүйемелдеу, телекоммуникациялық қызметтер көрсету бойынша жұмыстарды жалғастыруды көздейдi.
      Мемлекеттік бағдарлама шеңберiнде ведомствоаралық ақпарат жүйелерiн, олардың тәжiрибе түрiнде пайдалануға өткiзiлуiне қарай, сүйемелдеу жөніндегі, оның ішінде мемлекеттік органдардың бiрыңғай мультисервистік көліктiк ортасын құру мен оған қызмет көрсету жөнiндегi жұмыстар мен қызмет көрсетулер көлемiн ұлғайтуды жоспарлап отыр. Бұдан басқа, 2005-2007 жылдар ішінде ақпараттандыру саласында жобаларды басқару, нормативтік-әдiстемелік базаны жетiлдiру, ақпарат ресурстарының мониторингi жөніндегі жұмыстарды жалғастыру, ақпараттық қауіпсiздікті қамтамасыз ету жөнiнде жұмыстар жүргiзу көзделуде.
      Мемлекеттік органдардың орталықтандырылған сервистік жүйелiк-техникалық қызмет көрсетуге және мiндеттер мен жүйелердің үлгілік әкiмшілік-басқару кешендерiн сүйемелдеуге көшу кестесiне сәйкес мемлекеттiк органдардың ақпарат жүйелерiне сервистік жүйелік-техникалық қызмет көрсету және сүйемелдеу жөнiндегi 2004 жылы басталған жұмыс жалғасатын болады. Бұл ретте жұмыстар мен қызмет көрсетулердi орындау бюджеттік бағдарламалардың тиiсті әкiмшілерiмен шарттық негiзде жүзеге асырылатын болады.

 Мемлекеттiк органдардың орталықтандырылған сервистік
  жүйелiк-техникалық қызмет көрсетуге және міндеттер
 мен жүйелердiң үлгілiк әкiмшілiк-басқару кешендерiн
               сүйемелдеуге көшу кестесi

	2005 жыл
1	Қазақстан Республикасы Көлiк және коммуникация министрлігі
2	Қазақстан Республикасы Индустрия және сауда министрлiгi
3	Қазақстан Республикасы Қоршаған ортаны қорғау министрлiгi
4	Қазақстан Республикасы Мәдениет, ақпарат және спорт министрлiгi
5	Қазақстан Республикасы Адам құқықтары ұлттық орталығы
6	Қазақстан Республикасы Сыртқы iстер министрлігі
7	Қазақстан Республикасы Бiлiм және ғылым министрлігі
8	Қазақстан Республикасы Республикалық бюджеттің атқарылуын бақылайтын есеп комитетi
9	Қазақстан Республикасы Еңбек және халықты әлеуметтiк қорғау министрлiгi
10	Қазақстан Республикасы Конституциялық Кеңесi
11	Қазақстан Республикасы Әдiлет министрлiгi
12	Қазақстан Республикасы Iшкі iстер министрлiгі
	2006 жыл
1	Қазақстан Республикасы Президентiнiң әкiмшілiгi
2	Қазақстан Республикасы Парламентінiң Шаруашылық басқармасы
3	Қазақстан Республикасы Премьер-Министрiнiң Кеңсесi
4	Қазақстан Республикасы Ішкі iстер министрлiгi
5	Қазақстан Республикасы Ауыл шаруашылығы министрлiгi