Қазақстан Республикасы Үкiметiнiң 2003 жылғы 17 шiлдедегi N 712-1 қаулысымен бекiтiлген Қазақстан Республикасының индустриялық-инновациялық дамуының 2003 - 2015 жылдарға арналған стратегиясын iске асыру жөніндегi 2003 - 2005 жылдарға арналған iс-шаралар жоспарының 5.3.3.3-тармағын iске асыру мақсатында Қазақстан Республикасының Үкiметi ҚАУЛЫ ЕТЕДI:

      1. Қосымшаға сәйкес құрамда Техникалық реттеу жүйесiне көшудi жүзеге асыруға арналған ведомствоаралық комиссия (бұдан әрi - Комиссия) құрылсын.

      2. Қоса берiліп отырған Комиссия туралы ереже бекiтілсiн.

      3. Осы қаулы қол қойылған күнінен бастап қолданысқа енгiзiледi.

      Қазақстан Республикасының
      Премьер-Министрі

Қазақстан Республикасы 
Yкiметінің       
2005 жылғы 2 наурыздағы
N 197 қаулысына   
қосымша        

Техникалық реттеу жүйесіне көшуді жүзеге
асыруға арналған ведомствоаралық комиссияның
құрамы

Мыңбаев                 -        Қазақстан Республикасы Премьер-
Сауат Мұхаметбайұлы       Министрiнiң орынбасары - Қазақстан
                                      Республикасының Индустрия және сауда
                                      министрi, комиссия төрағасы

Құсайынов               -       Қазақстан Республикасы Индустрия және
Әбiлғазы Қалиақпарұлы     сауда министрлiгi Техникалық реттеу және
                                      метрология комитетiнiң төрағасы,
                                      төрағаның орынбасары

Момышев                 -       Қазақстан Республикасы Индустрия және
Талғат Амангелдiұлы       сауда министрлiгiнiң Техникалық реттеу
                                     және метрология комитетi төрағасының
                                     орынбасары, хатшы

Байсеркин               -        Қазақстан Республикасы Денсаулық сақтау
Бауыржан Сәтжанұлы        министрлiгi Мемлекеттік санитарлық-
                                       эпидемиологиялық қадағалау комитетiнiң
                                      төрағасы

Жұмағалиев              -      Қазақстан Республикасы Ақпараттандыру
Асқар Қуанышұлы             және байланыс агенттiгi төрағасының
                                      орынбасары

Әбдiлманов              -       Қазақстан Республикасы Қорғаныс
Алмаз Кәкімтайұлы            министрлігінің Штабтар бастықтары
                                       комитетi төрағасының орынбасары

Аппарбеков              -     Қазақстан Республикасы Төтенше
Серiк Сейiтұлы                жағдайлар министрлiгiнiң Төтенше
                                     жағдайлар саласындағы мемлекеттiк
                                     бақылау және қадағалау комитетi
                                    төрағасының орынбасары

Ермұханов               -     Қазақстан Республикасы Көлiк және
Әділша Мағрыпұлы          коммуникация министрлiгiнiң Көлiк
                                    инфрақұрылымын дамыту комитетi
                                    төрағасының орынбасары

Мұстафин                -     Қазақстан Республикасы Iшкi iстер
Ғалым Сұңғатұлы           министрлiгiнiң Есiрткi бизнесiне қарсы
                                   күрес комитетi төрағасының орынбасары

Оглов                   -        Қазақстан Республикасы Төтенше
Вадим Валерьевич          жағдайлар министрлiгiнiң Төтенше
                                    жағдайлар саласындағы мемлекеттiк
                                    бақылау және қадағалау комитетi
                                    төрағасының орынбасары

Әбденов                 -      Қазақстан Республикасы Еңбек және
Серiк Сақбалдыұлы         халықты әлеуметтік қорғау министрлiгi
                                    Халықты жұмыспен қамту және еңбек
                                    туралы әрi еңбекті қорғау туралы
                                    заңнаманың сақталуын мемлекеттiк
                                    бақылау департаментiнiң директоры

Әлиев                   -       Қазақстан Республикасы Табиғи
Ескендiр Шәмiлұлы         монополияларды реттеу aгенттігі
                                   Телекоммуникация және аэронавигация
                                    саласындағы реттеу және бақылау
                                  департаментінің директоры

Бертісбаев              -       Қазақстан Республикасы Энергетика және
Несіпқұл Бертісбайұлы     минералдық ресурстар министрлiгi Электр
                                     энергетикасы және көмiр өнеркәсiбi
                                     департаментiнiң директоры

Боярина                 -         Қазақстан Республикасы Мәдениет,
Людмила Васильевна        ақпарат және спорт министрлiгi әкiмшілiк-
                                       құқықтық жұмыс департаментiнiң
                                      директоры

Брагин                  -           Қазақстан Республикасы Қоршаған ортаны
Александр Геннадиевич     қорғау министрлiгi Нормативтiк-құқықтық
                                        қамтамасыз ету және халықаралық
                                        ынтымақтастық департаментінің директоры

Епбаева                 -         Қазақстан Республикасы Статистика
Айгүл Тохтарханқызы       агенттігi Қызметтер саласындағы
                                      статистика департаментінің директоры

Қожұмұратов             -     Қазақстан Республикасы Ауыл
Асылбек Әубәкiрұлы        шаруашылығы министрлiгi Ветеринария
                                      департаментiнiң директоры

Могильный               -        Қазақстан Республикасы Білiм және ғылым
Валерий Валентинович      министрлiгі Ғ­ылым департаментiнiң
                                       директоры

Пирогов                 -        Қазақстан Республикасы Энергетика және
Алексей Георгиевич        минералдық ресурстар министрлiгi Газ
                                     өнеркәсiбi департаментiнiң директоры

Сармурзина              -     Қазақстан Республикасы Энергетика және
Раушан Ғ­айсақызы             минералдық ресурстар министрлiгi
                                    Технологиялық даму және мемлекеттік
                                    активтердi басқару департаментiнiң
                                    директоры

Беклемишев              -      Қазақстан Республикасының жабдықтар
Павел Иннокентьевич       өндiрушілер және жер қойнауын
                                      пайдаланушылар үшін қызметтер
                                      қауымдастығыны президентi

Казанцев                -      Кәсiпкерлер құқығын қорғау жөнiндегi
Павел Олегович            қауымдастықтың президентi

Худова                  -         Қазақстан Республикасының жеңіл
Любовь Николаевна         өнеркәсiп кәсіпорындарын басқару
                                      қауымдастығының төрағасы

Әбдiрахманов            -      "Қазақстанның машина жасаушылар
Есiркеп Оңланбекұлы       одағы" заңды тұлғалар бiрлестігiнiң
                                      атқарушы директоры

Қазақстан Республикасы 
Үкiметiнiң       
2005 жылғы 2 наурыздағы
N 197 қаулысымен   
бекiтілген       

 Техникалық реттеу жүйесiне көшудi жүзеге асыруға
арналған ведомствоаралық комиссия туралы
ереже

 1. Жалпы ережелер

      1. Техникалық реттеу жүйесiне көшудi жүзеге асыруға арналған ведомствоаралық комиссия (бұдан әрi - Комиссия) Қазақстан Республикасы Үкiметiнiң жанындағы консультативтiк-кеңесшi орган болып табылады.
      2. Комиссия өз қызметiнде Қазақстан Республикасының Конституциясын, Қазақстан Республикасының заңдарын, Қазақстан Республикасының Президентi мен Үкiметiнiң кесiмдерiн, өзге де нормативтiк құқықтық кесiмдерiн және осы ереженi басшылыққа алады.
      3. Комиссияның шешiмдерi ұсынымдық сипатта болады.

 2. Комиссияның негізгi мiндеттерi мен функциялары

      4. Комиссияның негiзгi мiндеттерi:
      1) техникалық реттеу жүйесiне көшудi жүзеге асыру жөнiндегi iс-шараларды әзiрлеу бойынша ұсыныстар жасау;
      2) техникалық реттеу саласындағы мемлекеттік саясаттың негiзгi бағыттарын анықтау жөнiнде, техникалық реттеу саласындағы нормативтiк құқықтық кесiмдер талаптарының орындалуын мемлекеттiк бақылау және қадағалау тетiгiн әзiрлеу жөнiнде ұсыныстар дайындау болып табылады.
      5. Комиссияның функциялары:
      1) мемлекеттiк органдардың, шаруашылық жүргізушi субъектiлер мен қоғамдық бiрлестiктердiң ұсыныстарын талдауды жүзеге асыру, техникалық реттеу жүйесiн жетiлдiру мәселелерi жөнiнде ұсынымдар әзiрлеу;
      2) техникалық реттеу саласындағы бiріншi кезектегі нормативтiк құқықтық кесiмдердi әзiрлеу жөнiнде ұсыныстар дайындау болып табылады.

 3. Комиссияның құқықтары

      6. Комиссияның:
      1) Комиссияның мiндеттерiн iске асыру үшiн қажеттi мемлекеттiк органдардан материалдарды сұратуға және алуға;
      2) өзiнiң құзыретiне кiретiн мәселелер бойынша түсiнiктемелер алу үшiн мемлекеттiк органдардың және мемлекеттік ғылыми-зерттеу ұйымдарының мамандарын қажеттілiгiне қарай тартуға;
      3) Комиссияның құзыретiне кiретiн мәселелер бойынша мемлекеттiк органдардың және өзге де ұйымдардың өкілдерiн Комиссия отырыстарында тыңдауға;
      4) техникалық реттеу саласындағы жұмыстарды одан әрi жетілдiру жөнiнде мемлекеттiк органдарға ұсыныстар енгiзуге.

 4. Комиссияның жұмысын ұйымдастыру

      7. Комиссия Төрағасы оның қызметiне басшылық жасайды, отырыстарға төрағалық етедi, жұмысын жоспарлайды, оның шешiмдерiнiң iске асырылуына жалпы бақылауды жүзеге асырады. Төраға болмаған уақытта оның функцияларын орынбасары орындайды.
      8. Комиссия мүшелерi ұсынатын кезектi отырыстың күн тәртiбiнiң жобасына енгiзуге арналған мәселелер оларды қарау орындылығының негіздемесiмен отырысты өткiзу жоспарланған мерзiмге дейiн 30 күннен кешiктiрмей электрондық түрде Комиссия хатшысына жiберiледi. Комиссия отырысын өткiзуге материалдар дайындауды Комиссия хатшысы жүзеге асырады, ол отырысқа дейiн 3 күннен кешiктiрмей барлық қажетті құжаттарды Комиссия мүшелерiне жiбередi.
      9. Комиссия отырыстары тоқсанына бiр рет өткiзiледi. Комиссия отырысы Комиссия мүшелерiнiң жалпы санының кем дегенде үштен екiсi қатысқан кезде заңды деп есептеледi.
      10. Комиссия шешiмдерi отырысқа қатысушылардың жалпы санының көпшілiк дауысымен қабылданады және Комиссия отырысының хаттамасымен ресiмделедi. Комиссия мүшелерiнiң дауыстары тең болған кезде төрағаның дауысы шешушi болып табылады.
      1) Комиссия мүшелерi жазбаша түрде баяндалатын және Комиссияның хат-есебiне қоса берілетiн ерекше пiкiрге құқығы бар.
      2) Хаттамаға Комиссия отырысына қатысқан барлық мүшелер қол қояды.
      11. Қазақстан Республикасы Индустрия және сауда министрлiгiнiң Техникалық реттеу және метрология комитетi Комиссияның жұмыс органы болып табылады, ол Комиссия отырыстарының арасындағы кезеңде оның ұйымдастыру мәселелерiн шешедi.