"Салық және бюджетке төленетiн басқа да мiндеттi төлемдер туралы" Қазақстан Республикасының 2001 жылғы 12 маусымдағы Кодексiнiң (Салық кодексi) 119-1-бабына сәйкес Қазақстан Республикасының Үкiметi ҚАУЛЫ ЕТЕДI:

      1. Қоса берiлiп отырған:
      1) мұнай-химия өнеркәсiбiндегі қызметтi жүзеге асыратын ұйымдарға салық салу кезiнде Салық кодексiнiң 119-1-бабы 4-тармағының ережелерiн бес жылдан астам мерзiмге қолдану ережесi;
      2) тiркелген активтерге инвестициялардың көлеміне байланысты Салық кодексiнiң 119-1-бабы 4-тармағының қолданылу мерзiмі бекiтiлсiн.

      2. Осы қаулы алғаш ресми жарияланған күнiнен бастап он күнтiзбелiк күн өткен соң қолданысқа енгізіледі.

      Қазақстан Республикасының
      Премьер-Министрі

Қазақстан Республикасы   
Үкіметінің          
2005 жылғы 13 маусымдағы  
N 590 қаулысымен      
бекiтiлген         

 Мұнай-химия өнеркәсiбiндегi қызметтi жүзеге асыратын
ұйымдарға салық салу кезiнде Салық кодексiнiң 119-1-бабы
4-тармағының ережелерiн бес жылдан астам мерзiмге
қолдану ережесi

      1. Осы Ереже "Салық және бюджетке төленетiн басқа да мiндеттi төлемдер туралы" Қазақстан Республикасының 2001 жылғы 12 маусымдағы Кодексiне (Салық кодексі) сәйкес әзiрленген және Салық кодексiнiң 119-1-бабының 4-тармағына сәйкес мұнай-химия өнеркәсiбіндегi қызметті жүзеге асыратын ұйымдардың корпорациялық табыс салығының сомасын жүз пайызға азайту туралы ережелердi бес жылдан астам мерзiмге қолданудың тәртiбiн белгілейдi.

      2. Салық Кодексiнiң 119-1-бабы 4-тармағының ережелерiн қолдануға өтiнiмдi мұнай-химия өнеркәсiбiндегі қызметтi жүзеге асыратын ұйымдар (бұдан әрi - өтінiм беруші) мұнай-химия өнеркәсiбi саласында мемлекеттiк саясатты қалыптастыруды жүзеге асыратын уәкiлеттi мемлекеттiк органға (бұдан әрi - уәкілеттi мемлекеттiк орган) жiбередi.

      3. Өтінiм мына құжаттарды:
      1) осы Ережеге қосымшаға сәйкес белгіленген нысандағы өтiнiштi;
      2) заңды тұлғаның мемлекеттiк тiркелгенi туралы куәлiктiң нотариус куәландырған көшiрмесiн;
      3) заңды тұлғаның статистикалық карточкасының нотариус куәландырған көшiрмесiн;
      4) заңды тұлғаның жарғысының нотариус куәландырған көшiрмесiн;
      5) мемлекеттiк қабылдау комиссиясының өндiрiстiк мақсаттағы объектiнi пайдалануға қабылдау туралы актiсiн;
      6) заңды тұлға өндiрiстік мақсаттағы объектiлерге жасаған инвестицияларды растайтын құжаттарды қамтиды.

      4. Уәкiлеттi мемлекеттік орган осы Ереженiң 3-тармағының талаптарына сәйкес жасалған өтінiмнiң Салық кодексiнiң 119-1-бабының талаптарына сәйкестігiн қарайды және өтiнiм берушіге өтінiм алған күннен бастап отыз күнтізбелік күннен аспайтын мерзiмде жазбаша нысанда жауап жiбередi.

      5. Салық кодексiнiң 119-1-бабы 4-тармағының қолданылу мерзiмi осы қаулымен белгiленедi.

      6. Оң шешiм қабылданған жағдайда уәкiлетті мемлекеттік орган өтiнiм берушіге аумақтық салық органына беру үшiн бес жылдан астам мерзiмге корпорациялық табыс салығының сомасын жүз пайызға азайту туралы қорытынды бередi.

      7. Терiс шешiм қабылданған жағдайда уәкiлетті мемлекеттiк орган өтiнiм берушіге шешiмдi негiздей отырып, жазбаша нысанда жауап жiбередi.

                                     Мұнай-химия өнеркәсiбiндегi
                                       қызметтi жүзеге асыратын
                                     ұйымдарға салық салу кезiнде
                                      Салық кодексiнiң 119-1-бабы
                                      4-тармағының ережелерiн бес
                                     жылдан астам мерзiмге қолдану
                                          ережесiне қосымша

                             ӨТІНІШ

      Жобаның Қазақстан Республикасы Салық кодексiнiң 119-1-бабының
4-талаптарына сәйкестiгiн анықтау бойынша және оң шешiм қабылданған
жағдайда, аталған баптың 4-тармағы ережелерiнiң қолданылу мерзiмiн
белгiлеу үшiн "заңды тұлғаның атауы" ______________________________
___________________________________________________________________
                         (жобаның атауы)

инвестициялық жобасы бойынша құжаттарды қарауға қабылдауды сұрайды.
      Инвестициялық жоба туралы ақпаратты хабарлаймыз:
      1. Жобаға қатысушылар
      2. Құрылатын өндірістің негізгі элементтерін сипаттаумен жобаның мақсаты мен мәні:
      күрделі жұмсалымның міндеттері және бағыттары;
      жоба бағдарланатын мұнай-химия өнімі және шикізат.
      3. Жобаның орналасқан жері
      4. Ұлттық және шетелдік валютада жобаны іске асырудың құны:
      құрылыс-монтаж жұмыстарының құны;
      негізгі жабдықтың құны (жеткізілім құнын көрсете отырып);
      көмекші жабдықтың құны (жеткізілім құнын көрсете отырып);
      жабдықты монтаждау мен іске қосудың құны;
      қарыз және өз қаражатының көлемі.
      5. Жобаны іске асырудың мерзімі мен кестесі.
      6. Өтінім беруші туралы жалпы мәліметтер:

Заңды тұлғаның атауы
Мекен-жайы
Басшы (аты-жөнi, телефоны)
Бас бухгалтер (аты-жөнi, телефоны)
Байланыстыратын адам (аты-жөнi, телефоны)
Банктік деректемелерi (е/ш, валюта шоты)

      Осы өтінiшке мұнай-химия өнеркәсiбiндегi қызметтi жүзеге асыратын ұйымдарға салық салу кезiнде Салық кодексiнің 119-1-бабы 4-тармағының ережелерiн бес жылдан астам мерзiмге қолдану ережесiнiң 3-тармағында көрсетілген құжаттар қоса берiледi.

      Басшы                 (қолы)           (аты-жөнi)
      Бас бухгалтер         (қолы)           (аты-жөнi)

                                           Қазақстан Республикасы
                                                 Үкіметінің
                                          2005 жылғы 13 маусымдағы
                                              N 590 қаулысымен
                                                 бекiтiлген

               Тiркелген активтерге инвестициялардың
               көлеміне байланысты Салық кодексiнiң
            119-1-бабы 4-тармағының қолданылу мерзімі

Р/с N	Қызмет түрiнің атауы, Экономикалық қызметтiң жалпы жiктеуішінің коды (ЭҚЖЖ коды)	Тiркелген активтерге инвестициялардың көлемi, АЕК (млн.)1	Қолда- нылу мерзiмi, жыл2
1	2	3	4
1	Мотор отынын қоспағанда, басқа мұнай өнiмдерiн: бензин, керосин және т.с.с.; отын: жеңіл дистиллят отынын, орта дистиллят отынын және ауыр дистиллят (дизельдiк) отынын өндiру, (23.20-дан).	5-тен жоғары 6-ға дейiн қоса алғанда 6-дан жоғары 7-ге дейiн қоса алғанда 7-ден жоғары 8-ге дейiн қоса алғанда 8-ден жоғары 9-ға дейiн қоса алғанда 10-нан жоғары	6 7 8   9 10
2	Басқа да негiзгi органикалық (химиялық) заттектерді өндiру, (24.14)	5-тен жоғары 6-ға дейiн қоса алғанда 6-дан жоғары 7-ге дейiн қоса алғанда 7-ден жоғары 8-ге дейiн қоса алғанда 8-ден жоғары 9-ға дейiн қоса алғанда 10-нан жоғары	6 7 8   9 10
3	Бастапқы нысандардағы пластмассаларды шығару, (24.16)	5-тен жоғары 6-ға дейiн қоса алғанда 6-дан жоғары 7-ге дейiн қоса алғанда 7-ден жоғары 8-ге дейiн қоса алғанда 8-ден жоғары 9-ға дейiн қоса алғанда 10-нан жоғары	6 7 8   9 10
4	Синтетикалық каучук өндiру, (24.17)	5-тен жоғары 6-ға дейiн қоса алғанда 6-дан жоғары 7-ге дейiн қоса алғанда 7-ден жоғары 8-ге дейiн қоса алғанда 8-ден жоғары 9-ға дейiн қоса алғанда 10-нан жоғары	6 7 8   9 10
5	Бояулар және лактар шығару, (24.3)	5-тен жоғары 6-ға дейiн қоса алғанда 6-дан жоғары 7-ге дейiн қоса алғанда 7-ден жоғары 8-ге дейiн қоса алғанда 8-ден жоғары 9-ға дейiн қоса алғанда 10-нан жоғары	6 7 8   9 10
6	Сабын және жуғыш, тазартқыш және жылтыратқыш заттар, парфюмерлiк және косметикалық заттар шығару, (24.5)	5-тен жоғары 6-ға дейiн қоса алғанда 6-дан жоғары 7-ге дейiн қоса алғанда 7-ден жоғары 8-ге дейiн қоса алғанда 8-ден жоғары 9-ға дейiн қоса алғанда 10-нан жоғары	6 7 8   9 10
7	Жасанды және синтетикалық талшықтар шығару, (24.7)	5-тен жоғары 6-ға дейiн қоса алғанда 6-дан жоғары 7-ге дейiн қоса алғанда 7-ден жоғары 8-ге дейiн қоса алғанда 8-ден жоғары 9-ға дейiн қоса алғанда 10-нан жоғары	6 7 8   9 10
8	Резеңке бұйымдарды шығару, (25.1)	5-тен жоғары 6-ға дейiн қоса алғанда 6-дан жоғары 7-ге дейiн қоса алғанда 7-ден жоғары 8-ге дейiн қоса алғанда 8-ден жоғары 9-ға дейiн қоса алғанда 10-нан жоғары	6 7 8   9 10

      Ескертпе:
      1. Тиiсті қаржы жылына арналған республикалық бюджет туралы
заңмен белгіленетiн айлық есептiк көрсеткiш;
      2. Мемлекеттiк қабылдау комиссияларының толық технологиялық
циклiмен өндiрiстiк мақсаттағы объектiлердi пайдалануға берген
күннен бастап.