Қазақстан Республикасының Үкiметi ҚАУЛЫ ЕТЕДI:

      1. Қоса берiлiп отырған 1996 жылғы 18 қазандағы Қазақстан Республикасының Үкiметi мен Ресей Федерациясы Үкiметiнiң арасындағы Қазақстан Республикасының аумағына орналасқан Ресей Федерациясының 4 Мемлекеттік орталық полигонының объектiлерi мен жауынгерлiк алаңдарын жалдау туралы шартқа өзгерiстер мен толықтырулар енгiзу туралы хаттаманың жобасы мақұлдансын.

      2. Қазақстан Республикасы Премьер-Министрiнiң орынбасары - Қазақстан Республикасының Индустрия және сауда министрi Сауат Мұхаметбайұлы Мыңбаевқа қағидаттық сипаты жоқ өзгерiстер мен толықтырулар енгiзуге рұқсат бере отырып, Қазақстан Республикасының Үкiметi атынан 1996 жылғы 18 қазандағы Қазақстан Республикасының Үкiметi мен Ресей Федерациясы Үкiметiнiң арасындағы Қазақстан Республикасының аумағына орналасқан Ресей Федерациясының 4 Мемлекеттiк орталық полигонының объектiлерi мен жауынгерлiк алаңдарын жалдау туралы шартқа өзгерiстер мен толықтырулар енгізу туралы хаттама жасасуға өкiлеттiк берiлсiн.

      3. Осы қаулы қол қойылған күнінен бастап қолданысқа енгiзiледi.

      Қазақстан Республикасының
      Премьер-Министрі

Жоба  

 Қазақстан Республикасының Үкiметi мен Ресей Федерациясы
Үкiметiнiң арасындағы Қазақстан Республикасының аумағына
орналасқан Ресей Федерациясының 4 Мемлекеттiк орталық
полигонының объектiлерi мен жауынгерлiк алаңдарын жалдау
туралы 1996 жылғы 18 қазандағы шартқа өзгерiстер мен
толықтырулар енгізу туралы
ХАТТАМА

      Бұдан әрi Тараптар деп аталатын Қазақстан Республикасының Үкiметi мен Ресей Федерациясының Үкiметi,
      Қазақстан Республикасының Yкiметi мен Ресей Федерациясы Yкiметiнiң арасындағы Қазақстан Республикасының аумағына орналасқан Ресей Федерациясының 4 Мемлекеттiк орталық полигонының объектiлерi мен жауынгерлiк алаңдарын жалдау туралы 1996 жылғы 18 қазандағы шартқа (бұдан әрi - Шарт) мынадай өзгерiстер мен толықтырулар енгiзуге келiстi:
      1. Шарттың атауындағы, кiрiспенiң екiншi және үшіншi абзацтарындағы "4 Мемлекеттiк орталық полигонының" деген сөздер "4 Мемлекеттiк орталық көру аралық полигонының" деген сөздермен ауыстырылсын.
      2. Шарттың мәтiнiндегi "МОП" деген аббревиатура "МОКП" деген аббревиатурамен ауыстырылсын.
      3. 3-бап мынадай мазмұндағы екiншi және үшіншi абзацтармен толықтырылсын:
      "Полигон - жер учаскелерiн және онда орналасқан мүлiктi өзiне қамтитын бiрыңғай кешен.
      Полигонды жалдау объектiсiнiң бiрлiгi үшін ставка - Полигонның жер учаскелерiн, оның iшiнде олардағы жылжымалы және жылжымайтын мүлiк объектiлерi орналасқан жер учаскелерiн де жалға берiлген алаң (гектар) бiрлiктерiн пайдаланғаны үшін жалдау ақысы - 2,33 АәШ доллары мөлшерiнде белгiленедi.".
      4. 4-бап мынадай редакцияда жазылсын:
      "Осы Шарттың 3-бабында белгiленген полигонды жалдау объектiсiнiң бiрлiгiне ставканы ескере отырып есептелген Полигонды пайдаланғаны үшін жыл сайынғы жалдау ақысы 2005 жылғы 1 қаңтардан бастап 0,682 млн. АәШ долларына баламалы соманы құрайды. Бұл ретте, жалдау ақысының көрсетiлген мөлшерi Шартқа қол қойылған күнiне пайда болған немесе Қазақстан Республикасының аумағына сол күннен кейiн енгiзiлген және Полигонды жалға алуға қатысты салықтардың барлық түрiн, комиссияларды, жиындарды ескередi.
      Полигонның жалға берiлетiн жер учаскелерiнiң, сондай-ақ олардағы жылжымалы және жылжымайтын мүлiк объектiлерi орналасқан жер учаскелерiнiң құрамы өзгерген жағдайда, жалдау ақысы Полигонды жалдау объектiсiнiң бiрлiгiне белгіленген ставканы ескере отырып, жер учаскелерiнiң жалға алынатын алаңының өзгеруiне Үйлесiмдi түрде өзгередi.
      Жалға беру ақысының өзгеруiн Тараптар осы Шарттың ажырамас бөлiгі болып табылатын жекелеген хаттамамен ресiмдейтiн болады.".
      5. 5-бап мынадай редакцияда жазылсын:
      "Шарттың 4-бабында белгiленген жалға беру ақысы 2005 жылғы 1 қаңтардан бастап еркiн айырбасталатын валютада (АәШ доллары) жүзеге асырылатын болады.
      Жалға алу төлемдерiн аудару жыл сайын әрқайсысы екi тең Үлеспен жылдың екiншi және төртiншi тоқсанының соңғы айының 5 күнiне дейiн жүзеге асырылады.
      Қазақстан Тарапы Ресей Федерациясы Қорғаныс министрлiгiне қаражатты аудару үшін төлем алушыны және қаржы деректемелерiн көрсетiп хабарлама жiбередi.
      Төлем алушы және (немесе) оның қаржы деректемелерi өзгерген жағдайда Қазақстан Тарапы кезектi төлем мерзiмi өткенге дейiн бiр айдан кешiктiрмей Ресей Федерациясы Қорғаныс министрлiгiн бұл туралы хабардар етуге мiндеттi.".
      Осы Хаттаманың ережелерiн түсiндiру және қолдану кезiнде туындаған барлық даулар мен келiспеушiлiктер Тараптар арасындағы өзара консультациялар мен келiссөздер жолымен шешiлетiн болады.
      Тараптардың бiреуiнде бiрлескен шешiмдi талап ететiн мәселелер туындаған кезде осы Тарап екiншi Тарапты келiссөздер басталғанға дейiн 30 күн бұрын жазбаша хабарлайды.
      Осы Хаттама Тараптар оның күшiне енуi үшін қажеттi мемлекетiшiлiк рәсiмдердi орындағаны туралы соңғы жазбаша хабарлама жасаған күнiнен бастап күшiне енедi.
      Осы Хаттама Қазақстан Республикасының Үкiметi мен Ресей Федерациясы Үкiметiнiң арасындағы Қазақстан Республикасының аумағына орналасқан Ресей Федерациясының 4 Мемлекеттiк орталық полигонының объектiлерi мен жауынгерлiк алаңдарын жалдау туралы 1996 жылғы 18 қазанда Мәскеу қаласында жасалған шарттың ажырамас бөлiгi болып табылады.
      200 жылғы "__"_______ ___________ қаласында әрқайсысы қазақ және орыс тiлдерiнде екi данада жасалды, әрi екi мәтiннiң күшi бiрдей.

      ҚАЗАҚСТАН РЕСПУБЛИКАСЫ              РЕСЕЙ ФЕДЕРАЦИЯСЫ
      ҮШІН                                                ҮШІН