28–29 наурызда ҚР Премьер-Министрінің орынбасары Асқар Жұмағалиев бастаған қазақстандық делегация Эстония Республикасына барып қайтты.

Сапар барысында делегация бірқатар кездесулер өткізіп, цифрлық шешімдер қолданылатын нысандармен танысты.  

Сонымен қатар делегация Эстония Республикасының Премьер-Министрі Юри Ратаспен, ЭР экономика және коммуникациялар министрі Кадри Симсонмен кездесті. Тараптар цифрландыру жобаларын жүзеге асыру бойынша екіжақты ынтымақтастық келешегін талқылады.

ЭР ішкі істер министрі Андрес Анвельтпен болған кездесу барысында эстониялық тарап электрондық резиденцияның ерекшеліктерімен таныстырып, жол полициясының цифрлық шешімдері мен халық тіркелімінің артықшылықтары туралы айтты.  

Эстония елінің өкілдері электронды виза және ID карталарды енгізу тәжірибесімен бөлісті. Бүгінде эстониялықтардың 98% цифрлық қызметтерді пайдалануға арналған ID-карталардың иесі. Республиканың 30 мыңнан астам е-резиденті Эстонияның электрондық қызметтерін қолданады. Олар өз компанияларын басқаруға, келісімшарттарға қол қойып, қаржы қызметтерін пайдалануға мүмкіндік алып отыр.

Қазақстандық тарап Эстонияның X-Road жобасын жүзеге асыру тәжірибесіне қызығушылық білдірді. Ол елдегі электронды қызметтерді қолдауға арнаған мемлекеттік және жеке сектор арасындағы өзара байланысу, тәжірибе алмасу жүйесі. Эстонияның электрондық салық салу жүйесі барлығын автоматты түрде есептеп, салық декларациясын жылдам өткізуге мүмкіндік береді.

Қазақстандық делегация мамандарды дайындау және қайта дайындау үлгілерімен танылған Таллиндегі АТ-колледжді де аралады. Эстония елі цифрлық өндіріс жағдайында жұмыс істейтін қызметкерлердің білімін жетілдіру үрдісіне ерекше мән беретіні белгілі. Сонымен қатар делегация Эстонияның денсаулық сақтау жүйесін цифрландыру тәжірибесімен және цифрлық технологияларды енгізуден кейінгі медицинаның тиімділігін арттыру тәсілдерімен танысты.  

Іссапар бағдарламасы аясында қазақстандық делегация электрондық үкімет жобаларымен танысып, Эстония Республикасының мемлекеттік органдарының өкілдерімен, АТ бизнес капитандарымен кездесулер өткізді.

www.primeminister.kz

Жарияланды: 30 наурыз 2018

Мұрағат

Наурыз
2018
ДсСсСрБсЖмСнЖк
1234
567891011
12131415161718
19202122232425
262728293031

Мемлекеттік орган басшыларының блог-тұғырнамасы

Өту