Биыл магистратуға бөлінетін білім гранттарына қатысты бірқатар өзгерістер болады.

ҚР Білім және ғылым вице-министрі Талғат Ешенқұловтың айтуынша, бүгінде білім гранттарын тікелей жоғары оқу орындарына таратуға басымдық берілмейді. ҰБТ-да жоғары ұпай алған мектеп түлегі қай оқу орнын таңдаса, сол жерге грант беріледі. Осылайша, жан басына қарай қаржыландыру жүйесі біртіндеп енгізіліп келеді.

«Өткен жылы аталған бастама магистратуда 21 мамандық бойынша сынақтан өткізілген болатын. Биыл заң нормалары бойынша магистратура бөлімі грант тағайындаудың жаңа моделіне толығымен көшеді. Осының арқасында магистратураға түскен адам грантты алады да, жоғары оқу орнын өзі таңдайды. Соған қарай мемлекеттік тапсырыс та жасалады, жоғары оқы орындары грантқа түскен магистранттардың таңдауына қарай қаржыландырылады», - деді Т.Ешенқұлов ҚР Парламент Мәжілісінде өткен дөңгелек үстелде.

Вице-министрдің сөзіне қарағанда, гранттарды тағайындаудың жаңа жүйесі тек докторантураға ғана қатысы жоқ. Ол жерде бұрынғыдай мемлекеттік тапсырыс тікелей жоғары оқу орындарына беріледі.

«Жалпы, соңғы үш жылдың ішінде мемлекеттік тапсырыс 1,7 есеге өсті», - деп атап көрсетті Т.Ешенқұлов. 

ҚазАқпарат

Жарияланды: 14 наурыз 2019

Мұрағат

Наурыз
2019
ДсСсСрБсЖмСнЖк
123
45678910
11121314151617
18192021222324
25262728293031

Мемлекеттік орган басшыларының блог-тұғырнамасы

Өту