Бизнеске бір оператор бекітілуі ыңғайлы болмақ
Бизнеске бір оператор бекітілуі ыңғайлы болатын секілді. Бұл туралы қазанның 9-ы күні Үкімет отырысынан кейінінгі брифингте «Қазына» орнықты даму қорының төрғасы Қайрат Келімбетов мәлім етті.
Қ. Келімбетовтің айтуынша, «30 корпоративті көшбасшы» бағдарламасы - орта және ұзақ мерзімдегі перспективалы Қазақстан экономикасын анықтайтын, яғни компанияларды қалыптастыру бойынша 10-15 жылға арналған үкіметтік пәрменді бағдарлама болады. Экономика және бюджеттік жоспарлау министрлігі жобаның өкілетті органы болып аталды.
«30 серпінді жоба» бағдарламасының бастапқы кезеңіне оператор болып «Қазына» орнықты даму қоры бекітілгенін, сондай-ақ қор енді барлық серпінді жобалар бойынша айналысатынын жеткізген Қ. Келімбетов, «өкілетті орган – Экономика және бюджеттік жоспарлау министрлігі, оның саясатын, серпінді жобаларды қаржыландыру бойынша тиісті үрдістер мен механизмдерді анықтайды. Операторлардың ұстанымы мемлекеттік-жеке әріптестік негізінде құрылған. Атап айтсақ, әр жобаға мемлекеттік қолдау көрсетілетін болады», - деді.
Оның сөзіне қарағанда, болашақта мемлекеттік холдингтер, ұлттық компаниялар, сонымен қатар жеке құрылымдар, банктер операторлар болуы мүмкін.
«Бірақ, біздіңше, бастапқы кезеңде, яғни алдағы екі-үш жылда бизнес бағдарламаның операторы кім екенін нақты білуі тиіс. «Жалғыз терезе» қағидаты бойынша да бағдарламаның операторы етіп Үкімет «Қазына» орнықты даму қорын бекітті», - деді ол.
Қ. Келімбетов басты мақсат – бизнеспен түсінікті әрі сындарлы диалог жүргізу, яғни бизнес өкілдері қайда барып, қандай қолдауға сүйене алатынын білуі тиіс екенін атап өтті.
