ҚР Премьер-Министрі К.Мәсімов Бүкіләлемдік Банк атынан ҚР Үкіметінің консультанты Г.Скоттпен кездесуінде мемлекеттік бюджеттік жоспарлаудың жаңа жүйесін ендіру мәселесін қарады

Басты > Бөлімдер > Жаңалықтар > 2008 > Қазан > ҚР Премьер-Министрі К.Мәсімов Бүкіләлемдік Банк атынан ҚР Үкіметінің консультанты Г.Скоттпен кездесуінде мемлекеттік бюджеттік жоспарлаудың жаңа жүйесін ендіру мәселесін қарады

ҚР Премьер-Министрі К.Мәсімов Бүкіләлемдік Банк атынан ҚР Үкіметінің консультанты Г.Скоттпен кездесуінде мемлекеттік бюджеттік жоспарлаудың жаңа жүйесін ендіру мәселесін қарады

Қазанның 3-і күні Үкімет үйінде Қазақстан Республикасының Премьер-Министрі Кәрім Мәсімов Бүкіләлемдік Банк атынан ҚР Үкіметінің консультанты Грэм Скоттпен кездесті.

Тараптар мемлекеттік бюджеттік жоспарлаудың жаңа жүйесін ендіру мәселесін талқылады.

Г. Скотт Бюджет кодексінің жобасында келешекте алдыға мақсат етіп қойылған табыстарды анықтайтын өлшемдер айқындалғанын атап өтті. Консультанттың айтуынша, Бюджет кодексінің жобасы мемлекеттік қаржыландыруды басқаруда осы заманғы жүйені құру үшін негіз қалайды және қолданыстағымен салыстырғанда, жетілдірген жаңа тетіктерді енгізуді көздейді.

«Осы ретте, Бюджет кодексі нақты. Құжатта қажетті деталға және бюджетті қалыптастырудың жаңа әдістерінің осы заманғы үлгілерін кезеңмен ендіруге ерекше назар аударылған. Жаңа көзқарас корпоративтік басқару философиясына негізделген. Бұл, әрине, көп уақыт алады, бірақ сіздер осы жолға алғашқы қадамды жасадыңыздар»,- деді Г. Скотт.

Премьер-Министрдің баспасөз қызметі