АҚМОЛА ОБЛЫСЫНЫҢ ӘКІМІ

Басты > Үкімет сайтының құрылымы > Жергілікті
атқарушы органдар > Ақмола облыстық әкімшілігі > АҚМОЛА ОБЛЫСЫНЫҢ ӘКІМІ

АҚМОЛА ОБЛЫСЫНЫҢ ӘКІМІ

Сергей Александрович Дьяченко

Қазақстан Республикасы Ақмола облысының Шортанды елді мекенінде 1952 жылы 18 қыркүйекте дүниеге келді.
1973 жылы Куйбышев жоспарлау иститутының өнеркәсіп-экономика факультетін экономист мамандығы бойынша бітірді. Саяси білімі бар (Алматы Жоғары партия мектебі). Саяси ғылымының докторы. Докторлық диссертациясының тақырыбы – «Қазақстандағы демократиялық жаңғырту мәселелері (саяси талдау)». Қазақстан Республикасы Саяси ғылым Академиясының корреспондент-мүшесі. Жүзден астам ғылыми жұмыстардың, кітаптардың, оқулықтар мен әдістемелік құралдардың авторы.
Еңбек жолын 1973 жылы Пенза облысы Кузнецк қаласындағы аспаптық жабдықтау және конденсаторлар зауытында инженер-экономист болып бастады.
1973 жылы КСРО Қарулы Күштері қатарына әскери қызметке шақырылды. Әскери қызметін Ресей Федерациясының Приморье өлкесіндегі Қызыл тулы қиыр шығыс әскери округінде атқарды. Қазіргі уақытта – Қазақстан Республикасы Қарулы Күштерінің запастағы полковнигі.
Әскери қызметтен соң туған елі Қазақстанға қайта оралады. Он жыл көлемінде Шортанды аудандық комитетінің нұсқаушысы қызметінен Қазақстан комсомолы Орталық Комитетінің екінші хатшысына дейінгі еңбек жолынан өтті.
1985-1991 жылдары аралығында - Қазақстан Компартиясы Көкшетау қалалық комитетінің бірінші хатшысы және сонымен қатар (1990 жылдан бастап) халық депутаттары Көкшетау қалалық кеңесінің төрағасы болды.
1991-1993 жылдары Қазақ КСР Жастар ісі, дене тәрбиесі және спорт жөніндегі мемлекеттік комитеті төрағасының орынбасары, Қазақстан Республикасы туризм, дене тәрбиесі және спорт министрінің орынбасары болды.
1993 -1999 жылдар аралығында қоғамдық ұйымдарда жұмыс істеді.
1999 және 2005 жылдарда өткен Мемлекет басшысын сайлау науқандарында Алматы қаласы бойынша Н.Ә.Назарбаевтың сенімді өкілі болды.
1999-2004 жылдар аралығында – екінші сайланған Қазақстан Республикасы Парламенті Мәжілісінің депутаты.
2004 жылы Қазақстан Республикасы Парламенті Мәжілісінің депутаты болып қайтадан сайланды. 2004 жылдың қараша айынан бастап - Қазақстан Республикасы Парламенті Мәжілісі Төрағасының орынбасары.
2006 жылы Қазақстан халықтары Ассамблеясы төрағасының орынбасары болып сайланды. «Нұр Отан» халықтық демократиялық партиясы Саяси Кеңесінің мүшесі.
«Құрмет белгісі», «Парасат» ордендерімен, ТМД-ның «Достастық» орденімен, бес медальмен, Қазақ КСР Жоғары Кеңесінің Құрмет грамотасымен марапатталған.
2010 жылдың наурызынан Ақмола облысының әкімі.